VULESSE ADDEVENTARE

(Teresa De Sio) Coccodrillo Edizioni Musicali snc

E vulesse addeventare

Pesce p’o mare

E venesse ‘o piscatore

E me pescasse

E fore ‘a marina soja

Me ‘n’ce purtasse

E venesse ‘o ninno mio

E m’accattasse

E dint’a la valanzella

Me ‘nce pesasse

E dint’a na tielluzza

Me ‘nce astipasse

E dint’a la casa soj

Me ‘nce purtasse

E mo ca sta ‘nzerrata ‘a porta

A llà cchiù nun ascesse

E chillo dint’a tielluzza

Ma ‘nce friresse

E cu llì manelle soje

Me ‘nce squartasse

E cu la vucchella mia

Me lu mangiasse

io me lu mangiasse e chillo me squartasse

Io cu la vucchella mia ascesse a dint’ a tielluzza

E o pigliasse a muozzeche e m’o mangiasse

Isso ca me vuleva magnà

E me vuleva tenè ‘nzerrata dint’ a casa soia

Ma io m’o magno

Io vulevo addeventare

Sulo pesce libero p’’o mare.