INT'O GIARDINO

[Teresa De Sio - Francesco Bruno]

Se ne steva c'a faccia 'o sole

se ne steva comm'a durmì

mentre attuorno addurava l'aria

l'aria fina e doce

Ma 'e penziere nun danno pace

cu 'e penziere che vuò durmì

ogni casa tene na croce

che te fa suffrì

E l'addore d'o giardino

le facette arrecurdà

ouanno ancora era guaglione

e ce veneva a cammenà

e penzava c'o tiempo nun sta annascuso

che sti mmane ha signato gia

e mò che chello c'ha avuto ha avuto

se po' arrepusà

Si 'o destino le fosse amico

ma 'o destino nun po' cagnà

cammenanno te lassa addreto

nun 'o può fermà

E l'addore d'o giardino

le facette arrecurdà

che pe quanto è longa a vita

nun t'a 'mpare mai a campà

Chiano chiano

'o tiempo vene

chiano chiano

se nne va

tu te siente nato ajere

mentre se fa notte già

chiano chiano

'o tiempo vene

chiano chiano

se nne va

te ne resta 'a vocca amara

s sulo 'o cunto da pagà